Transcription
1
Monsieur, je ne vous scaurois dire le regret que jay heu
2
de ne vous avoir trouvé en ceste ville pour le desir
3
que javois de vous baiser les mains, mais jespère,
4
monsieur, que vous serés bien tost icy et que je
5
serey aussi de retour de Bayard où je machemine
6
presentement. Je vous direy au demeurant, monsieur,
7
comme je receuz hier au soir les lettres quil vous
8
plairra veoir cy joinctes, des vilally, conssulz et
9
sergent majour d’Ambrun, desquelz, monsieur, il vous
10
plairra de prouvoir du remède que vous cognoistrés
11
convenable. Bien vous recommanderey-ie le pauvre
12
sergent majour, lequel à la verité, monsieur, par
13
le pois et la peyne quil prent, merite bien que
14
la ville d’Ambrun et estappe dicelle ou bien le
15
pais, le recognoissent, car, à la verité, il ne reppose
16
jamais les nuictz pour ouvrir aux courriers et
17
postes qui passent et cest luy duquel despend
18
toute la garde de la ville. Je ne vous serey
19
ennuyeulx, monsieur, de plus long discours, me
20
remectant aux susdites lettres et me conrey pour
21
fin de ceste cy de me recomander très humblement
22
à votre bonne grace, priant Dieu
23
Monsieur, qui vous veuilhe donner en très bonne
24
santé, longue et heureuse vie. De Grenoble, ce
25
XXe doctobre 1572
26
Votre très humble allié et serviteur
27
G. d’Avanson A. d’Ambrun.